Unha
actividade a facer nestes días próximos ao Samaín é a que vemos
realizando na imaxe no Espazo das Familias de Pobra de San Xiao: alí estivemos
baleirando cabazas.
Miramos
e tocamos as cabazas, a súa semente, tocamos o interior, prememos a ver si
soltaba zume, …, ata chupamos os pedaciños. Que ben o pasamos e canto aprendemos
cada día coas cousas do contorno máis próximo!!
E falamos do
Samaín, a festa asociada ao ciclo anual do sol que xa forma parte do Patrimonio
Inmaterial de Galicia e do Norte de
Portugal. Axudamos a recuperar tradicións e costumes.
Esta festa
celebrábase en Galicia ata épocas relativamente recentes, nas que foi esmorecendo
para converterse, unicamente, nunha celebración do día de Defuntos, aínda que coa celebración de
Halloween en países anglosaxóns, e que ten precisamente a súa orixe no Samaín
dos celtas, estase a recuperar de novo.
Como
curiosidade, dicir que as cabazas baleiras e iluminadas colocábanse sobre os
valados ou nas encrucilladas, para asustar aos camiñantes.
Ningún comentario:
Publicar un comentario