5 dec, 2016

O Concello de O Páramo coa Asociación Socioeducativa Antonio Gandoy

O Concello de O Páramo ven de conceder unha subvención de 1388,30 € a Asociación Socioeducativa Antonio Gandoy para colaborar no funcionamento dos Espazos das Familias neste Concello.

Agradecemos profundamente a confianza que o concello de O Páramo pon na nosa Asociación.

2 dec, 2016

O Son que me Arrola, da Asociación Socioeducativa Antonio Gandoy, en Sarria

O pasado venres 25 de novembro, a Asociación Socioeducativa Antonio Gandoy desenvolveu a actividade O Son que me Arrola, na Biblioteca do Concello de Sarria, onde estiveron as familias participantes nos Espazos das Familias que se levan a cabo neste Concello.

Unha actividade de música e agarimo na que nenos, nenas, nais e pais gozaron da música e da manipulación.

Lembramos que o Concello de Sarria está a colaborar coa Asociación cunha subvención de 1684,40 €, apostando así pola parentalidade positiva para os seus veciños.


29 nov, 2016

O Concello de Baleira coa Asociación Socioeducativa Antonio Gandoy

O Concello de Baleira ven de conceder unha subvención para o desenvolvemento do Espazo das Familias da nosa Asociación por importe de 1300 €.

Outro Concello que aposta polo desenvolvemento de actividades como as que ofrece a nosa Asociación para os seus veciños. 

Os Espazos das Familias constitúen un lugar e un tempo de encontro para a formación de nais e pais con nenos e nenas de 0 a 3 anos. 

Os profesionais da Asociación Socio-educativa Antonio Gandoy (mestres, pedagogos e psicólogos con ampla traxectoria educativa en Preescolar na Casa) deseñan actividades dirixidas a reforzar as competencias parentais, así como a dar resposta ás diferentes necesidades das nenas e dos nenos.

Agradecemos ao Concello de Baleira a confianza posta no noso traballo.

23 nov, 2016

A Asociación Socioeducativa Antonio Gandoy, EN NEGRO CONTRA A VIOLENCIA

A Asociación Socioeducativa Antonio Gandoy estará rodeando a muralla de negro o día 25 de Novembro ás 13:00, nun acto enmarcado dentro da campaña EN NEGRO CONTRA A VIOLENCIA.
.
Alí, xunto con outras asociacións, clubes deportivos e centros educativos da nosa cidade, ademais de rodear a muralla, farase unha solta de globos en todas as portas do monumento, para tentar de poñer os focos sobre o problema da violencia machista, "a expresión máis extrema das desigualdades que viven as mulleres".

Neste enlace poderás ler o manifesto EN NEGRO CONTRA A VIOLENCIA e outras informacións sobre a Campaña.



15 nov, 2016

A Asociación Socioeducativa Antonio Gandoy en Noia




Hoxe en Noia estaremos presentando o nosos proxecto. 

Esperámosvos ás 18:30 no Salón de Plenos do Concello.


Neste enlace podes ver en que consisten as actividades da nosa Asociación, creada en base a aquela frase de D. Antonio Gandoy: "O saber as raíces ten na casa de cadaquén", é dicir, "As familias son imprescindibles no proceso educativo"

11 nov, 2016

O Concello de Arzúa coa Asociación Socioeducativa Antonio Gandoy

O Concello de Arzúa ven de conceder unha subvención nominativa para o desenvolvemento dos Espazos das Familias a nosa Asociación por importe de 1388,40 €.

Neste Concello funcionan dous Espazos das Familias, que se reúnen na Ludoteca do mesmo con carácter semanal (os martes ás 11:00 h. e os xoves ás 17:00.

Agradecemos ao Concello de Arzúa a confianza posta no traballo da nosa Asociación.

4 nov, 2016

A Asociación Socioeducativa Antonio Gandoy na I Xornada de ANPAS galegas no rural

O vindeiro 19 de novembro a nosa Asociación estará na I Xornada de Anpas galegas no rural, ás 11:00 h na Estación científica do Courel da USC, en Seoane do Courel.

O tema marco da Xornada será "O ensino, integrador do desenvolvemento". Falarase do estado da educación do rural e de diferentes propostas e actividades, así como da importancia do ensino e da educación como factor integrador clave.

Neste enlace pode ver máis información deste evento.