A Misión da Asociación Socio-Educativa Antonio Gandoy é preservar e difundir o legado inmaterial referido ao pensamento socio-educativo de Antonio Gandoy Díaz, a través da prestación de actividades que viña desenvolvendo o programa Preescolar na Casa por el impulsado. Esto concrétase en varios puntos:
- Promover unha educación que capacite á persoa para comprender a realidade, intervir nela e vivir en harmonía consigo mesmo, cos demais e coa natureza.
- Difundir unha cultura da infancia, das súas necesidades, potencialidades e dereitos de acordo coa Convención dos Dereitos do Neno adoptada e ratificada pola Asemblea Xeral das Nacións Unidas o 20 de Novembro de 1989.
- Fomentar a educación da infancia a través de actividades preventivas e formativas que promovan o exercicio da parentalidade positiva.
- Fomentar a xestión do coñecemento sobre a infancia e a familia.
- Promover a creación de servizos de atención socio-educativa a nenas/os e/ou familias de diferentes colectivos, do ámbito rural, poboación dispersa e contornos familiares de especial vulnerabilidade, co fin de promover a igualdade de oportunidades e a conciliación da vida familiar e laboral.
- Fomentar o estudo, conservación e difusión da cultura tradicional galega así como o emprego e promoción da lingua galega.
- Fomentar a relación con entidades públicas e/ou privadas en aspectos que inciden no desenvolvementoe benestar da infancia e da familia.
- Promover programas de voluntariado para o desenvolvemento das accións que se leven a cabo.
A Asociación Socio-Educativa Antonio Gandoy quere ser unha institución consolidada e referente na creación dunha cultura da infancia e na valoración do papel educativo da familia.
Valores:
- Estamos comprometidos coa educación, a cultura e o saber, como bens imprescindibles para o desenvolvemento das persoas.
- Somos defensores e reinvindicadores da importancia educativa dos primeiros anos e do papel educativo da familia.
- Somos respectuosos co propio, as persoas, a lingua, o medio e a cultura.
- Somos solidarios cos sectores de poboación máis desfavorecidos.
- Cooperamos con outros profesionais, organizacións e institucións relacionadas coa educación, a infancia e a familia.
- Estamos comprometidos coa mellora continua e a competencia profesional.
Os valores que moven á
Asociación Socio-Educativa Antonio Gandoy son o compromiso coa
educación, a cultura e o saber, a defensa e a reinvindicación do valor
da educación, o respecto co propio, a solidariedade, a cooperación, e o
compromiso coa mellora continua.